Сие описание есть общее всякой истинне

Сие описание есть общее всякой истинне, созданней или несозданней. Тако убо о Бозе яко в твари истинна совершенство есть, аще разное от совершенства твари: и во обоих естествах не может быти истинна без истиннаго пребывания, и деяние истинно действующаго. Вопрос: Какая суть части или составы истинны. Ответ: Три –

Сие описание есть общее всякой истинне, созданней или несозданней. Тако убо о Бозе яко в твари истинна совершенство есть, аще разное от совершенства твари: и во обоих естествах не может быти истинна без истиннаго пребывания, и деяние истинно действующаго. Вопрос: Какая суть части или составы истинны. Ответ: Три – истинно действующий, истинно деяние, истинное делательное. Без трех сих никако может быти истинна. Понеже убо истинна есть совершенство естествам, конечно имеет подлежащее, в котором пребывает, сие же есть истинно действующий, аще не будет истинна делателнаго. Почему убо наречется истинно действующий – аще ничего истинно не сотворит, ни же сотворити может и како истинное что творит, без истиннаго деяния, и како истинное деяние быти может без истиннаго действующаго. Вся сия неудобныя суть, тем без сих трех вещей, яко без частей своих внутренних, или составов конечно нужных истинна быти не может; не во всех же естествах присно пребывать, истинно действует, но в едином токмо Бозе, которому исти нна не от случая яко твари, но существо его. Истинно действующий есть Отец, истинно деяние – Сын, истинно делаемое – Дух Святый. Действующий несть делаемое, ни же делаемое действующий, ни же действующий [1] или действителное: составы убо сия суть, и части внутренния истинны, и причитаются ипостасем, а не существу Божию. Обаче неистинная есть истинна действующаго, инная деяния, инная действителнаго, но всех трех едина истинно. Существо убо Божие есть не случаи, ниже ипостась. В Бозе убо кроме естества и ипостасей ничто же инное обретается. Аще же совершенство Божие [2] с естеством Его, несть убо части никаких в несложенных оным в неслитом и неопределенном, предвечном естестве. Тем же истинный есть Отец, истинный Сын, истинный Дух Святый. Обаче всех трех едина истинна несозданная, нескончанная, непременная, непорочная, непоколебимая, вечная, всемогущая, праведная, обличающая вся дела неправедная, открывающая и показующая вся прегрешения, разумная и разум подающая всей твари, како что сотворити, силная, господствующая везде, покаряющая всякую неправду, благая, святая, славная присно, блаженная, хвалимая, величаемая и покланяемая на небеси и на земли, наставляющая на путь истинный всю тварь, но наипаче человека, исправляюща вся несовершенства, законоуложителная, наказующа злых и венчающа благих, милосердьствующа о всех по науце убо богословов, цитра кондигнум, сиречь Бог милосердием наказует менши, нежели достойны есмы, еже они не токмо о сей, но и о будущей жизни разумеют, не токмо доволно опишет истинну оную разумом нашим непостижимую, тайную пред человеки и ангелами сокрытую вся по воле своей, и смотрению предвечному действующую, ея же способием [3] токмо малая в твари обретается, яко не токмо в человецех, но и во ангелах сыскалася неправда, и от истинны отступление, которые отступление дорого стало Христу, называющему себе самого истинною, путем и жизнию.

Добавить комментарий